陳志健學自閉做足工夫

前港男陳志健（Otto）在劇集《仁心解碼II》中飾演患有自閉症的陳茵媺胞兄，個性細膽驚青但記性超好，Otto特地剪椰殼頭及戴遠視眼鏡配合角色。他坦言事前花了不少工夫準備：「探訪自閉症人士，相處咗一星期，盡量模仿佢哋神態，個角色素描好叻，都專登去學咗畫畫十堂。」Otto曾在《仁》第一輯中飾演智障人士，同樣備受好評，問到會否想拍一輯類似《阿甘正傳》的劇集讓他發揮？Otto說：「等公司安排，自己唔介意演呢類角色，多謝珍姐（高層曾勵珍）有睇我演出，監製羅永賢又繼續用我，最想係帶出正面訊息，其實精神或者智力有障礙嘅人都有可愛一面。」