家輝跑街面青 城城笑call白車

兩大影帝郭富城和張家輝在彭順執導新片《同謀》中首度合作，各施渾身解數大鬥演技。《同》片為電影《C+偵探》和《B+偵探》的第三部曲，城城將戲中陳探一角繼續發揚光大，今次加入親情元素令角色更有層次，演技上更考功夫，他說：「今次我會加入親情元素，我要搵殺父仇人，演出會比上兩集更繃緊，演繹係上兩集無出現過。」是次演出同樣有大量危險動作場面，跳天橋、大爆破亦未有難倒他，他說：「之前同彭順合作過都受傷，吸取教訓後今次好順利。」

假髮造型搞笑

戲中令城城最難忘的，是在泰國和馬來西取景時天氣相當炎熱，他說：「都真係幾難頂，有成四十度，車頂熱到可以煎蛋。張家輝仲要成日着住西裝又戴假髮耍泰國詠春，又搞笑又戥佢辛苦。我着住好薄嘅衫都辛苦。有場戲我同佢一齊跑，佢已經好fit都見佢跑到臉青口唇白，我仲問佢使唔使叫十字車。」

喪打泰國詠春

張家輝笑言該假髮造型可以「驅邪驅鬼」，他坦言在戲中發揮一種緩和緊張的氣氛，令電影較為輕鬆，他說：「我仲要成日打泰國詠春，好似要挑戰梁朝偉、甄子丹同黃秋生咁，都幾好笑。」問到與城城合作的感覺，他大讚對方隨和，拍攝時很有默契，合作相當愉快。問到會否擔心外間將二人拿來比較，他說：「演戲唔係一場比賽打擂台，一部戲要多人去交流、合作，唔係一個人嘅事。」對於拍攝期間有傳城城獲厚待，二人齊聲否認出現偏袒情況，指電影公司一視同仁。 文：影視組

郭富城化妝：Hetty Kwong

髮型：lan @ ii服裝：Diesel

張家輝

化妝：Midco Chu

髮型：強仔