區瑞強歡迎老友踩場
歌手區瑞強（Albert）月底開騷，邀請十五位重量級嘉賓，計有「福祿壽」及呂方、李思捷等，更歡迎他們「踩場」搶鏡。中學時代的Albert已有一把靚聲秒殺一眾小師妹，年紀輕輕已有「民歌王子」的風範。
為慶祝音樂農莊成立25周年，區瑞強將在月底舉行一連三場的「區瑞強好友情演唱會2013」，25年來苦心經營農莊的他自言一直堅持「不求人」：「從來都唔會叫政府資助，多年嚟都係自負盈虧，我鍾意用最少資源做最多嘅嘢，四両撥千斤嘛！」
福祿壽爆料
當年毅然成立農莊皆因Albert自小是個熱愛大自然的「野孩子」，問到兒時的追女仔經歷？他說：「我本身個人好純，去到中學好後期先識女仔，不過我有一樣嘢着數，就係我成日代表學校唱歌，已經迷到唔少小師妹。」
為了營造派對氣氛，個唱將會破天荒邀請十五位重量級嘉賓坐鎮，當中少不了與Albert老友鬼鬼的第一代福祿壽（曾志偉、陳百祥、譚詠麟）。他預告屆時將在台上互相爆料，怕不怕被他們搶風頭？Albert大方地說：「最好搶晒我鏡，我會好開心同榮幸，今時今日我都唔需要突出自己。」
大讚G.E.M.
身兼歌唱老師的他又點名力讚曾合作的後輩鄧紫棋（G.E.M.）：「當時邀請佢嚟我個騷，我揀咗首高難度英文歌畀佢，唱得好掂！」提到G.E.M.因冇向甄妮打招呼而鬧出不少是非，Albert說：「當時佢有同我打招呼，但之後啲嘢I don't know，總之當時嘅佢一啲問題都冇。」
文：音樂組
攝影：吳文聰