何傲芝驚喜生日P蕭正楠哨晒牙

藝員何傲芝下星期二（9日）29歲生日，日前眾好友包括緋聞男友蕭正楠、妹妹何傲兒、陳敏之、袁偉豪、王浩信為她送上驚喜生日派對，眾人預先在餐廳準備，失驚無神送上驚喜為何傲芝預祝牛一，她說：「原本嗰晚約咗大家食飯，點知一去到升降機口，佢哋已經企晒喺門口唱生日歌歡迎我，原來佢哋夾埋畀surprise同我慶祝。」

正日慶祝冇份

身為何傲芝「好朋友」的蕭正楠當然亦有表示，由於最近他在《仁心解碼II》扮演哨牙仔上位，所以他亦出動招牌哨牙整蠱作怪來博紅顏一笑，眾人有見及此亦齊齊扮哨牙仔搞笑拍照，氣氛愉快。何傲芝被問到今次的生日驚喜是否蕭正楠精心部署，她笑說：「唔係，係成大班朋友一齊安排嘅，好多謝佢哋。」不過，何傲芝透露正日生日就不會預蕭正楠，她笑說：「每年生日除非做嘢，否則會同屋企人過嘅，佢冇份呀。」

兩姊妹搞網誌

快滿29歲的何傲芝被問到可會心急嫁人﹖她說：「仲未，起碼三十幾歲啦，依家興遲婚嘛。」事實上何傲芝計劃多多，她打算與妺妹設立網誌，分享化妝、護膚心得，曾主持賽馬節目的何傲芝更會在網誌提供貼士。

採訪：影視組