林峯長揸消毒液抗H7N9

隨着內地再確診人類感染變種禽流感H7N9個案，令身在內地或將要出發到內地工作的藝人談疫色變，身在橫店拍劇的林峯、黃宗澤及廖碧兒均密切注視疫情，林峯更坦言已跟消毒液「相依為命」：「冇得擔心，惟有勤啲洗手，隨身帶定支消毒液傍身，時刻留意疫情變化。」

Baby食定維他命

至於剛到橫店準備開工拍劇的Angelababy說：「我會密切留意住疫情嘅新聞，自己會加緊預防，會食維他命同埋戴口罩防範。」已「自行家居隔離」的黃宗澤說：「我好少外出，食嘢都係買啲菜返嚟自己煮。（戒食禽鳥？）可避則避啦！開工只係開到10號啫，唔使特別提早返港。」廖碧兒則說：「我留咗喺內地兩個月，屋企有send啲香港報道畀我睇，依家keep住用消毒藥水洗手，唔使埋位就戴口罩。（提早返港避疫？）未知幾時拍完，拍完即返！」杜汶澤則為慈善，硬着頭皮北上：「我一早應承咗同Mani（霍汶希）參加一個電視台嘅慈善遊戲節目，我哋玩遊戲愈高分，英皇慈善基金捐嘅錢會愈多，況且醫生都話照食雞冇問題，咁我明，可以照食雞，係唔可以叫雞啫！」

陳嘉桓昨在港出席紀念沙士10年活動，她說：「有上海朋友都話傳得好勁，唔好食雞同豬，買餸要去超市，我暫時冇內地工作，但如果北上都小心飲食，必要時會帶罐頭。」此外，無綫高層余詠珊透露曾志偉主持的經典遊戲節目《獎門人》5月中回歸，並會到日本及東南亞等地拍外景，因內地有禽流感故暫不作考慮。

文：影視組