羅力威冇留意雨僑升胸
羅力威（Adason）前晚於節目《勁歌金曲》首憑新歌奪冠，問出道一年才獲獎會否覺得遲？他說：「唔遲，希望繼續攞。（亞視出身受影響？）唔多唔少有啲，但自己都好幸福，嗰邊（亞視）攞冠軍，呢邊（無綫）又攞冠軍，覺得自己音樂路上好順利。」提到女友雨僑上載豐胸教學短片獲讚，Adason尷尬稱冇留意，問可覺對方「升cup」？他說：「冇留意，呢啲係女人睇。（有冇試手感？）呢個問題太開放。（佢正經教，做乜尷尬？）佢係專業嘅表現。」
同場的賈思樂28年後與露雲娜於無綫重聚，他說發了無數短訊才邀得露雲娜合唱兼出靚聲碟。另《勁》是改革前最後一次錄影，監製麥鎮東透露節目將改以一小時Talk show形式播出，並由鄭丹瑞任主持，屆時會邀請樂壇中人，包括經理人及唱片高層等爆料。