余文樂戰牛接送Kary面紅
余文樂和吳雨霏（Kary）愛得愈來愈高調，前晚樂仔更出動價值逾340萬的林寶堅尼超級跑車「戰牛」載Kary外出撐枱腳，樂仔亦首次大方公開Kary身份，記者問他是否和女友撐枱腳，樂仔一句：「係呀！」難怪Kary當晚含羞答答，雙頰泛紅。
余文樂自從撻着吳雨霏後一直愛得火熱，兩人2月飛歐洲相聚，上月Kary再「人肉速遞」飛往上海探望正在拍戲的樂仔，上月底樂仔拍完戲返港，而有指內地的H7N9疫情蔓延，他回港後不等流感潛伏期過，前晚急不及待出動逾340萬的林寶堅尼「戰牛」載Kary外出撐枱腳。
豹鞋豹袋襯絕
前晚8時45分，記者發現樂仔駕戰牛現身跑馬地，司機位旁正是Kary，兩人在車內有講有笑，之後樂仔駕車直駛銅鑼灣開平道，穿短裙露長腿的Kary先落車，其豹紋平底鞋和豹紋手袋襯到絕，下車後Kary步入一幢食肆林立的大廈，樂仔到停車場泊車後，也進入該大廈。
樂仔和Kary撐枱腳食足45分鐘，然後見樂仔獨自落樓取車，當發現樓下大批記者，樂仔滿面笑容，問他是否和女友食飯？他說：「係呀！（Kary呢？）喺上面，因為要工作所以趕住走。」樂仔簡單的一句，首次親證Kary的女友身份。Kary幾分鐘後落樓，她同樣笑容滿面，問為何這麼快走？她說：「食完咪走囉。」滿面通紅的Kary之後甜笑着到停車場會合男友，並登車走人。
「預咗畀人影」
載着Kary的樂仔在停車場等出閘時，被大批記者包圍拍照，樂仔一度面露不悅說：「唔係話唔畀你哋影，你哋攔住車頭影，你哋又危險我開車又難。」Kary見狀即勸男友稍安無躁，有女友冧番，樂仔未幾即露出笑面，隨後載Kary回跑馬地寓所。
昨晚樂仔現身劉偉強生日派對，問他前晚被拍得和Kary撐枱腳有否不快？他說：「冇，預咗畀人影，但突然有個人殺出嚟，我驚煞唔切車有危險。（會唔會唔敢出街？）試過買咗戲飛都唔敢去睇，驚畀人影到。」問是否匿埋屋企玩煮飯仔？樂仔即甜笑不語。
文、攝：追蹤組