Mandy開心啟航唔再計較

Mandy Lieu此行到了印度南部的Kerala參加一連十日的靈修班，主要是學習瑜伽以及在南印度起源的傳統養生學（Ayurveda），每朝五時就起床做瑜伽，在沙灘上靈修，每日都可以看到日出日落，她說：「今次旅程係我人生嘅一個重要體驗。」她透露首日上堂前，每人都會被安排見醫生了解身體情況。她說：「第一晚去到酒店已經好夜，有一本書同一份問卷畀我，等我知道自己係屬於邊種類型嘅人。第二日我見醫生，他用類似中醫把脈嘅方法就知道我屬於邊一類型，同我自己做嘅問卷一樣，好犀利。」

三餐素食為主

Mandy在當地十日都過着簡單的生活，每日三餐都以素食為主，只在晚上有一碟肉，她並沒有吃不慣，反而覺得不錯：「我同廚師傾偈，佢好自豪咁話佢研究咗呢啲餐單幾十年，有四百款，我的確食咗十日都係唔一樣嘅菜式，日日唔同。」而每日中午她都可以出外閒逛，有次她在街上看見一位做木雕的老伯，原來對方是瑜伽高手，她即要求對方跟她拍照留念。又有一次她跟酒店的人去釣魚，只用一條線便釣了一條魚，Mandy笑說：「唔知係嗰度真係咁多魚，定係我好運。」她又謂當地的按摩油味道特別大，按身的油味道竟有點似麻油，她還親自學製油。

Mandy很喜歡這些以印度絲製造的服裝。	Mandy學製油，看來玩的成分居多。	只用一條線便釣了一條魚，Mandy大呼好運。

想每年去一次

Mandy表示很享受這個旅程，有機會一定再去，她說：「我好鍾意呢個地方，周圍嘅人都好友善。返嚟之後好開心，係由心而發嗰種，覺得其實好多事都只係小事，唔需要太計較。我想每年新年都去一次，好像每年都會有一個新開始。」

文：名人組