黃秋生好功夫囝囝質疑用替身
影帝黃秋生、導演邱禮濤和編劇李敏昨日到尖沙咀，出席國藝影視和英皇聯合出品的電影《葉問——終極一戰》為視障人士而設的口述影像電影欣賞會。提到有影評指秋生是「最型葉問」，贏了《一代宗師》的梁朝偉，秋生笑言：「梗係偉仔型啲啦！全世界邊個夠佢型？你都懵懵哋！」
《葉》片贏盡票房和口碑，未知是否演開歷史人物有條路，秋生有意開拍黃飛鴻：「依家仲郁得吓，趁啲皺紋又有番咁上下。」他更自誇對黃師傅歷史非常熟悉，可能於年底或明年初開鏡。
另外，秋生自爆被大仔質疑在戲中用替身，他氣憤說：「佢話：『幾好睇，不過都唔係你嚟嘅！啲腳好假！，平時你邊有咁靈活！』我即刻踢腳畀佢睇。」他又自嘲平時是「人櫈合一」，所以囝囝才不信他在戲中的身手，但閒時都會與學劈掛的細仔切磋。