藝員黃翠如最近人氣大增，頻頻接騷搵真銀，昨日她出席復活節活動，受訪時笑說：「的確搵多咗好多，劇集出街係好大幫助。」
近期忙拍《舌劍上的公堂》的翠如透露試過三日兩夜沒有返屋企，在TVB「紮營」：「外景同廠景有三四個鐘可以休息返屋企，但係我住得太遠，返去沖過涼車費要四百幾蚊，喺公司梳化瞓仲可以敷埋mask添，我唔覺得辛苦，好似去Camp咁。」翠如更自認是在公司瞓得最多的女藝員。
