MastaMic處男開騷林敏驄寸冇料到

饒舌歌手MastaMic（馬米）前晚舉行處男騷，請來好友林敏驄、關楚耀等做嘉賓。表演時，馬米與拍檔Big Sammy齊齊高舉中指兼大唱粗口歌，林敏驄更即場上台飲酒，狂窒馬米「冇料到」，兼寸爆樂壇其他rapper：「歐陽靖就唔識中文，農夫返去耕田啦！」兩人更高手過招，上演一場rap戰。

由於馬米外表激似蔣志光，演出期間更多次被好友及粉絲抽水大叫：「rap界蔣志光」、「南丫島G-Dragon」。但馬米自稱唔似蔣志光：「我應該係『rap界吳彥祖』，其實我有請過蔣志光做嘉賓，可惜佢唔得閒。」另外，提到圈外女友有現身監場，但他不肯大方合照。