寄語在心中
一代巨星張國榮無論在唱歌還是電影皆有非凡成就，無數人曾被他的演出所感動。而伴着哥哥成就傳奇的每位身邊人，對哥哥的緬懷之情仍藏於心底，未有淡忘。
林嘉欣：每一年呢個時候就會見到地下有好多紅色嘅木棉花，就對你嘅思念特別濃！
許冠傑：Leslie！希望你喺天國快樂！
張栢芝：哥哥，我好好，你唔使擔心我，依家我有兩個好可愛、好健康嘅小朋友，活得好開心，你在甚麼地方都好，都會活在我心入面。
張學友：我知道佢走咗好耐，但實際上又好似好新咁，佢喺我個心度。當年佢有事（患抑鬱），我哋成日去探望，有時我會自問：若果陪佢耐啲，會唔會好啲？
林夕：喺死海裏面再種番一啲花出嚟，個過程都真係波瀾起伏。
羅家英：每年四月一日，有多少人懷念他呢。你有嗎？我有。
梁朝偉：對我嚟講，哥哥從來都無離開過，呢十年裏面我久唔久就會諗起佢，有時會因為一隻歌，有時會係一個回憶，佢仲會經常喺我夢裏面出現，其實你只要心入面有呢個人，佢喺邊有乜所謂。
劉嘉玲：其實哥哥一直喺我心中，不曾離開過，佢應該去咗一個好美麗嘅地方，生活得好快樂、自在……好幸運喺我人生嘅旅程中有機緣同佢咁近距離接觸，喺佢身上我學到好多。
陳凱歌：電影（《霸王別姬》）拍完，在佢走後不久，我做了一個夢，我夢到他穿着戲裝穿着長衫，微微笑道：『就此別過了』，我一瞬間驀然醒來，眼角竟有淚流出。