千言萬語訴真情
哥哥張國榮一生中經歷不少風浪，無論是高低起跌，哥哥仍然貫徹自己的風格，一步一步地踏出傳奇的星途。他道過的一字一語，仍留在不少人心中。
視家傭如親人
六姐嘅地位恍如歌曲《Monica》中嘅主角，早已超越工人的位置。
（摘自訪問）
叫我「哥哥」
我細個時冇嘅嘢，大個咗好想畀到人，就係親情。我鍾意人哋叫我「哥哥」，感覺好close。
失落親情
有好多人問我，張國榮，你咩都有喇，呢一輩子應該無憾吧？其實，童年冇充分得到父母嘅愛，對我嚟講係好大嘅遺憾。
（摘自訪問）
談毛舜筠
我對佢可以話係一見鍾情，識咗無耐，我已經拎住花向佢求婚……如果當年佢願意嫁畀我，可能會改變我嘅一生。
（摘自毛舜筠訪問張國榮之電視節目）
與梅艷芳的友情
有次喺馬來西亞登台，患咗支氣管炎，梅姐叫我返房休息，佢用咗成五個鐘幫我綵排練習咗十幾隻歌，係有義氣同關心我嘅表現。我覺得佢係一個不可多得嘅朋友。
（摘自訪問）
至愛唐鶴德
唐先生係我媽媽以外，我一生中至愛嘅人。（1997個唱上公開表白）
遺憾
Depression，多謝各位朋友……呢一年來好辛苦，不能再忍受，多謝唐生多謝家人……我一生沒做壞事，為何會這樣？
（摘自警方在哥哥身上找到的遺書。）
憶述初遇經理人陳淑芬談合作
佢問我需要幾多酬勞，我覺得酬勞唔重要，我需要推出歌曲，係想為自己爭一口氣。
（摘自訪問）
面對噓聲
我戴海軍帽上台唱歌，一出嚟已經聽到噓聲，唱完之後我除帽向台下一飛，又係一陣噓聲，之後見到有帽飛上台，心諗點解咁熟口面嘅？原來係自己嘅！仲未完……返到屋企有人電話留言叫我收檔啦，真係好傷心。
（摘自電視節目《今夜不設防》）
談演藝生涯
貓有九條命，演員則有更多條命，因為佢哋為每部戲嘅角色賦予生命。
（於金像獎頒獎禮發言）