區瑞強證阿倫哥哥老友

區瑞強（Albert）和曾路得（Ruth）昨日一同出席活動，提到今日是哥哥張國榮逝世十周年，兩人大嘆光陰匆匆，Albert則謂他與哥哥甚有緣分：「我同佢一齊入行做新人，而我哋嘅處男作都收錄喺同一隻雜錦碟入面。」Albert又指以往與哥哥經常在音樂活動上碰面，覺得哥哥性格較為內向和帶有憂鬱感，並說：「當年見佢手成日震，嗰時以為佢精神緊張，後尾先知佢有病。」同為哥哥生前好友的Ruth就表示，每當提起哥哥都會感到心痛：「會諗點解佢嗰時咁唔開心，自己冇去開解佢。」
區瑞強指阿倫與哥哥當年經常相約食飯。
區瑞強指阿倫與哥哥當年經常相約食飯。

而Albert日前在有線電視節目上亦公開了一張自己、哥哥以及譚詠麟（阿倫）的舊合照，當時哥哥與阿倫表面上是勁敵，但Albert指其實他倆私底下老友鬼鬼：「佢兩個私下會一齊食飯，競爭都係因為歌迷太熱情。」

區瑞強與曾路得仍很掛念哥哥。
  • 區瑞強與曾路得仍很掛念哥哥。