葉蒨文槍擊楊惠姍嚇餐飽
歌手葉蒨文（沙麗）昨日出席活動，與活動主辦人兼「金馬影后」楊惠姍16歲已相識，至今已30多年，沙麗表示與楊惠姍及林青霞拍戲時認識，曾經發生意外，沙麗透露當時三人揸住支有刺刀嘅槍喺度傾計，她一不小心支槍拮咗楊惠姍個胸度，楊惠姍無咗反應，沙麗以為佢死咗，好彩只係楊惠姍鎮定，只係件衫穿咗個窿，個人無事，但事件嚇死佢同青霞。沙麗表示帶了林青霞及楊惠姍看自己演唱會及食飯，感到好難得。問到三人會否再合作？沙麗笑言：「合作食飯囉！（拍電影？）拍Home Movie囉！依家睇後生拍電影得喇。」
而楊惠姍表示葉蒨文經常照顧她，她說：「我比佢大，但佢成日照顧我，唔知佢係咪欠咗我？」她更大讚對方好熱情，當年介紹她到香港發展：「當年沙麗喺香港已經好紅，佢介紹好多朋友畀我識，雖然最後無緣分喺香港發展，但佢好有心，今次聽到我開展覽，佢二話不說話要嚟。」