阿Sa 250萬一跳見水化財

浙江衞視繼紅爆節目《中國好聲音》後，下月將播出重磅打造的另一重頭戲《中國星跳躍》，以雲集中港台巨星參與的明星跳水真人騷為噱頭，並以天價人民幣200萬（約250萬港元）一跳，成功邀得阿Sa打頭陣「肉搏」演出，加上有曾兩奪奧金的「跳水王子」田亮做星級教練，明刀明槍絕無取巧。

最怕心臟突停頓

阿Sa日前到深圳積極備戰狂練跳水，但原來伊人極度畏高，平時拍戲吊威吔也會嚇到喊，據知今次英皇花了整整1個月時間才成功游說阿Sa挑戰5米高台跳水。阿Sa表示今次真是搵命博：「我掙扎咗好耐，真係好驚喺跳水過程嚇到心臟停頓，一企上高台個心已經跳到嘭嘭聲，但我好想試吓克服畏高！」工作排得密密麻麻的她只能抽出5天作訓練，田亮只好為她度身訂造「速成跳水班」，在池邊試跳數次後，便帶她站上高台，阿Sa緊張得即時腳震面青，更一度掩眼「無眼睇」。田亮再三鼓勵下，阿Sa終豁出去，與田亮手拖手飛身一躍，成功挑戰個人極限！

手拖田亮的阿Sa初時未能克服心中恐懼，只好隻手掩眼，不敢向下望。

放大圖片

買重過千萬保險

其實阿Sa早前為另一內地節目《舞出我人生》訓練高難度的舞蹈動作時，已不慎整傷腰骨，更被迫申請退出。今次阿Sa負傷操練跳水，不時要醫師在池邊為她按摩搽藥膏減痛，她謂：「呢個月我好似多咗好多人生經歷，又跳舞又練水，仲要拍戲拍廣告，真係挑戰人生極限！」據知阿Sa將在節目中4度跳水，並以大師姐身份帶領新孖仔組合Box一同演出，英皇已為她投保過千萬保險。

北京奧體中心游泳池(Getty Images圖片)	醫師按背	池邊試跳

文：音樂組