蔡李惠莉新抱未入門畀定100分
「玩具大王」蔡志明兒子蔡加讚與甄子丹姨仔汪圓圓將於11月拉埋天窗，昨日蔡太李惠莉與女兒加怡出席旗下九龍城廣場有份合辦的攝影比賽，原本出席的「準新郎」蔡加讚臨時缺席，蔡太說：「佢尋晚好夜先喺廣西返，（傳佢同圓圓為婚事爭執？）係謠傳，佢哋好sweet，我哋成日一齊食飯，佢哋鍾意嘅嘢又相近，簡直係天造地設嘅一對，（未入門已畀100分？）係呀，OKo架！」蔡太又謂現距離婚禮還有很充裕時間準備，暫定會找長女加敏的仔女當花仔和花女。
而結婚不久的加怡被問到可有好消息？她笑說：「暫時未有計劃，享受一下二人世界先！」在旁的蔡太即摸摸女兒肚皮說：「係平o架！依家咁樣去旅行都輕鬆啲嘛！（復活節會唔會一齊去旅行？）佢哋（加讚與圓圓）會有安排！」