楊千嬅做娘親唔做紅娘
楊千嬅前晚以聯合國兒童基金會大使身份，出席觀瀾湖深圳「新生活．新地標．樂派對」發布會，有指她撮合台灣女星陳喬恩跟古天樂（古仔）的報道，她即澄清說：「吓，咁勁？我做咗16年娛樂圈都冇聽過呢啲，咁勁我自己都唔知。（你知佢哋兩個都冇拍拖？）我淨係知我個仔冇拍拖啫。（你幫佢哋line up飯局？）點解會寫到我o架？我識得陳喬恩，當然都識得古天樂，我識好多人，但係搭埋一齊唔啱數，係個美麗嘅誤會，自己冇聽過，真係創新。」
千嬅又謂如果有男朋友介紹一定先介紹給王菀之：「佢見我標到個尾會，問我有冇啲好似我老公咁嘅質素男仔介紹，嗰啲紅娘我又唔會做，我做娘親o架啫。」她透露今年５、６月會跟古仔合作拍戲，還會跟張家輝合作另一部戲，她跟家輝14年前合作過，今次兩人將扮演夫妻，很期待。她坦言若離港拍戲會掛念囝囝，有機會也可帶同囝囝開工，寓工作於湊Ｂ，又大讚囝囝現在９個月大已很聰明。