Ana R.愛索同鄉雨
韓流襲港，令不少人成為追星一族，如果可以跟韓星拍一日散拖，宅男女神周秀娜恨同Big Bang的T.O.P行街「拍拖」。
而擁韓國血統的Ana R.，原來是天王Rain的超級fans，她「拍拖」的願望更簡單，只想一索Rain的體味！
Ana R.：「我最想同韓國Rain拍拖，其實我淨係想企喺佢身邊，聞吓佢陣味。同埋我會想唱一首我媽媽教我唱嘅韓文歌畀佢聽，我知道佢聽到一定會笑，真係好鍾意佢嘅笑容！」
吳千語：「我最鍾意《城市獵人》嘅李敏鎬，如果佢做我一日男朋友，我想去海洋公園，因為我好鍾意玩機動遊戲，有佢陪我一齊玩，一齊叫，如果真係會發生就好喇！」
林欣彤：「我鍾意JYJ嘅Xiah好耐，如果做一日男友，希望可以合唱英文歌，好欣賞佢把聲，好正！」
張舒雅：「鍾意Psy，覺得佢跳《江南Style》好得，但唔想同佢跳舞，行街已經夠！」
傅嘉莉：「鍾意Big Bang隊長G-Dragon，其實我一直想有個歌手男朋友，如果佢可以做一日男友，希望對方為我作一首歌。」
周秀娜：「我想同Big Bang嘅T.O.P拍拖，佢內外兼備！好想好似普通情侶咁行街食飯，不過最好佢為我開個私人演唱會，同埋叫我做Honey！」
Mandy Lieu：「我會想同權相佑拍拖，佢真係好靚仔！只要畀我成日望住佢已經好開心，不過最好可以同佢一齊行山，因為我自己好鍾意行山。」
松岡李那：「我想同權相佑拍拖，之前喺活動度見過佢，真係好nice！我會想同佢行街、做massage！如果佢係我男朋友嘅話，一定親自同佢按摩！」