Lynn護城：唔惹咪冇事

名模熊黛林（Lynn）、Jessica C.、Cara G.、「黎明愛將」文詠珊（JM）和師妹JW等前晚一同出席Miss Dior-The Fragrance of the Creator Exhibition開幕酒會。Lynn全晚表現風騷，提到最近男友郭富城開騷，其最新緋聞對象苟芸慧（苟姑娘）亦有捧場時，Lynn謂看報紙得知，談到苟姑娘坐的位置似乎比她好，Lynn說：「OK啦！我想同Fans一齊癲、一齊叫，情願係第一行握手位。」提到城城愛駒由「愛河」改名為「愛將」，問是否與苟姑娘有關？她即反問：「有咩關係？（苟姑娘靚嗎？）未見過真人，睇相好Sweet。」

笑言要學「呷醋」

此外，苟姑娘自稱與城城傳緋聞屬爛桃花，Lynn聞言即大笑兩聲：「哈哈！爛桃花咪唔好惹囉，唔惹咪冇事。（Order叫人唔好惹阿城？）我好慘，我冇桃花，唔識評論。（你好專一？）係性格問題，我好怕麻煩，多一事不如少一事。」問經歷是次「小風波」後，二人感情是否更好？她笑說：「唔會有咩變化，咁無聊（緋聞），過去就過去。」談到經此一役，會否更急結婚，她說：「慢慢先啦！（就係因為咁慢，七年之癢先有苟姑娘出現？）唔識答，（催婚穩軍心？）只想再做好自己。（邊方面唔好？）唔知呀，可能好多。」記者笑她唔識呷醋，她笑言：「要學習下，（今晚打畀城城話呷醋？）唔會煩佢。」又謂城城自己handle到緋聞就可以，問她是否很有自信，她說：「我冇嘢呀，就算自己唔想，唔好嘅事要嚟纏住都冇辦法。」還表示自己不是隻眼開隻眼閉，只是將心比心，互相尊重。

苟芸慧	JM（左）被師妹JW搶鏡，但無損二人感情。

JW低胸搶JM鏡

JW就罕有地以超Deep V裙現身，露出深長事業線，搶晒師姐JM鏡，對此JW說：「哎！正常女人衣着，健康性感係OK。」記者反問JM會否作如此打扮時，她即望着自己心口笑一笑，並表示不羨慕豐滿身材：「着衫靚最緊要。」問她是否指JW着衫唔靚？JW聞言即激動地說：「唔好離間我兩個！我不知幾羨慕佢食極唔肥。」另提到JM快將約滿，JM表示：「仲有段日子，未傾住。」JW亦識趣地表示：「佢咁有才華，去邊都咁成功。」

文：名人組