Cheronna@Super Girls歐洲菜專家
早前有新聞指香港人平均體重比內地人高，令一班港女日日呻肥要瘦身，見到美食卻要忍口，不過亦有人得天獨厚食極唔肥，女子組合Super Girls的「黑妹」Cheronna就是「食字行頭」而又身材弗爆的其中一員，她更最愛與媽媽溫馨撐枱腳，一齊捐窿捐罅尋找美食。
鍾愛歐洲菜的Cheronna就有兩款美食推介，包括即叫即做的脆皮意大利薄餅及法式焦糖燉蛋，她說：「其實最正宗嘅薄餅係應該用火爐烤，並且係薄皮，而唔係一般嘅厚皮。不過除咗正餐，甜品都係我另一最愛，就好似法式焦糖燉蛋，就要用薄邊嘅碗去燉，先可以食到最多嘅焦糖，女仔一定最鍾意。」