胡杏兒性感預習情挑法國男

胡杏兒前晚出席「MY GALLERY MY PLACE」春夏時裝騷，前V後露，非常性感，但上衣明顯有點鬆，她就表示好安全：「安全到爆，都冇嘢睇，未試過走光。」見她額頭長了不少粒粒，她透露拍《巾幗梟雄3》要戴頭套致皮膚敏感，要讓皮膚適應才能慢慢好轉，六月會到大陸繼續拍攝工作。她大讚公司多靚仔，如同場的陳展鵬和陳智燊，希望有機會合作。

問到何時才可休息？杏兒直言七月放假，考慮與助手到巴黎：「我鍾意買鞋，我係鞋癡，屋企有過百對鞋。（搵法國仔做男友？）都好，可以學吓法文，我唔會抗拒，法國人好浪漫。」

放大圖片	儘管杏兒強調安全到爆，不過坐在兩位型男身旁，仍以手掩胸不敢失禮。	Ana R.與徐靖雯（左）兩位模特兒今次不用行騷，改做觀眾。

想一齊做律師

而同場的陳展鵬得知杏兒讚他有型和想跟他合作，他亦識做大讚杏兒出席活動有心思，身材keep得好：「杏兒拍劇做過律師，我都有，一齊拍下律師戲都ok。」他又謙稱自己沒有fashion sense，問可會找個有sense的女友？他說：「都好喎。」記者即指杏兒有這方面的sense，他就笑而不語。

提到杏兒現時單身，會否考慮追求？他表示：「吓？（唔敢追？）冇話敢唔敢，冇話冇可能，睇緣分，唔敢講到咁絕對，而且好多人都會追杏兒啦！」

文：名人組