豆斗神秘現身 透視撐老公
剛歷喪貓之痛的容祖兒前晚收拾心情出席活動，不過喊到眼腫腫的她一提到男友劉浩龍當堂笑番晒。而久未公開亮相的邱淑貞就為力撐老公沈嘉偉突然現身充當「神秘嘉賓」，更以透視誘惑幫手招呼品牌高層，果然是稱職得力的賢內助。
容祖兒、邱淑貞（豆斗）、羅力威等人前晚一同出席I.T 舉行的「VALENTINO Pop-Up Store Cocktail Party」，祖兒再度穿上男友劉浩龍最愛的綠色衫現身，她風騷表示：「點啫，今日係迷彩！（男友鍾意綠色喎！）我鍾意黃色。（情侶裝現身？）冇諗過亦唔會。」
提到日前其愛貓病逝，明顯喊到眼腫的祖兒說：「喊之餘仲要安慰媽咪，隻貓同佢相依為命。」七個月內經歷兩次喪貓之痛，她講明暫時不會再養貓，當提議不如養「人仔」時，嚇呆了的祖兒就說：「下次係領養寵物。」
沈嘉偉怕醜避鏡頭
而I.T老闆沈嘉偉一早到場打點，太太豆斗突然現身，悉心打扮的豆斗戴上閃爆鑽錶和巨鑽耳環，以透視裝為老公撐場，並以女主人身份招呼兩位品牌高層。向來低調的沈嘉偉就不斷迴避記者鏡頭，在記者再三要求下才肯與老婆合照，但仍拉着兩位品牌高層做「中間人」，一心為老公解圍的豆斗就笑言：「佢好怕醜。」
自從做了幸福少奶奶後豆斗久未接受訪問，問到是否特別為老公站台，豆斗索性幫忙賣廣告：「唔係，我一路都好鍾意呢個Brand。」講到近日多宗倫常慘劇，育有三女的她即反應甚大：「好得人驚呀！我聽博士講依家有啲針會影響腦部發展，令男仔有自閉，女仔有情緒病。我都唔講呢啲新聞畀囡囡聽，尤其跳樓嗰啲，擔心佢哋會入晒腦。」
文：音樂組