Kary升呢讚未來奶奶Nice

吳雨霏（Kary）自戀上型男余文樂後人氣急升，獲不少大型品牌邀請出席活動，令她曝光率大增。

身價飆升五倍

據知，Kary爆出「樂霏戀」後身價升了五倍，平時出席活動的酬勞由兩萬升到十萬元，前後不到一個月，Kary認真要感激男友的帶挈，而她近日出席多個活動，保守估計有數十萬落袋。

《好報》獨家拍得Kary孖住余文樂母親飛往上海探阿樂班，行奶奶政策的Kary體貼地陪同余母返港，為免行蹤曝光，醒目的Kary與未來奶奶分開閘出，余母全程笑面迎人，相信對未來新抱仔Kary相當滿意，Kary昨日冧笑承認說：「Auntie好nice，不過感情嘅事唔多講。」

吳雨霏日前從上海返港，但刻意與樂媽分開閘口離開。	樂媽獲老公接機，又有吳雨霏陪，當然開心。	有指吳雨霏與余文樂拍拖後，身價幾級跳。（資料圖片）

Kary前晚與過氣緋聞男友周柏豪出席I.T舉行的《VALENTINO Pop-Up Store Cocktail Party》，問到與阿樂甚老友的柏豪是否叫Kary做阿嫂？Kary驚叫：「嘩！」柏豪說：「年輕人冇特別尊稱。」問到Kary是否因阿樂與I.T老闆沈嘉偉相熟帶挈她出席活動？她說：「唔關事，一直有同佢哋合作。」

聞攬女即傻笑

Kary被問到有否出席阿樂與沈嘉偉的飯局？柏豪即為她解圍：「我有食過。」Kary亦承認說：「有見過。（阿樂用咩身份帶你出席？）我唔知呀。」問到是否到過上海陪阿樂？Kary直認說：「去咗幾日。」再問Kary會否擔心男友在上海攬女？她不斷傻笑，柏豪則搞笑說：「佢上面係有女呀。」嚇得Kary睜大眼望實柏豪，柏豪即解釋說：「佢媽咪上咗去嘛。」

文：音樂組