林家棟睇騷捱飛釘頭腫掛彩
林家棟前晚出席深圳時裝show活動時，不幸中頭獎，現場忽然有一粒手指尾般粗的釘從二樓飛下，打在他的額頭上，即時感痛楚，他摸頭發現有血水，腫似雞蛋，不過因活動進行中，沒有出聲，由於活動後要趕返港，因昨早他要赴馬來西亞，故沒有入院治理。
而昨身在馬來西亞出席慈善活動的家棟接受電話訪問時，坦言當時已感到很痛楚，更發覺流血，他說：「當時陳豪喺我隔籬，佢即刻話腫咗喎！（有冇通知大會？）冇呀！費事掃人興啦！不過當時公關都知道，仲問我使唔使睇醫生，當時我只想快啲返香港，依家個額頭都腫到雞蛋咁。」問家棟返港時會否再看醫生時，他說：「睇吓個傷口點啦！如果埋咗口就唔會睇嘞！」
