蔡志明娶新抱乜都畀晒個仔
玩具大王蔡志明旗下旭日國際集團前晚假會展舉行春茗，蔡家總動員出席。兒子蔡加讚將於11月與汪圓圓結婚，問蔡生是否送豪宅作結婚禮物？他豪爽地說：「唔使送，我嘅即係佢嘅。（咁會送咩？）畀晒佢，我同佢孖份，我哋屋企人好close，冇分你同我，好似我同蔡太咁。」蔡太亦附和說：「鍾意就攞去。」他們又稱只希望二人婚後趕快造人，讓他們早日抱孫。
而加讚與圓圓透露婚禮正籌備中，圓圓謂：「加讚好忙，大部分都係我搞，我哋嘅taste好接近。」加讚亦言：「主要畀圓圓話事，請咩人同邊度擺酒要屋企人OK，細節就交畀圓圓，佢好artistic，諗到好多靚嘢。」
另外，圓圓昨日現身馬場活動，提到婚禮的姊妹團成員，圓圓稱：「唔想太多人。（圈中朋友？）圈中人比較忙，會搵啲勤力啲嘅人做。」
