甄子丹打仔內疚瞓唔着

甄子丹昨日與太太汪詩詩拍拖出席「寶馬香港打吡大賽」，出席嘉賓還有模特兒汪圓圓、名媛李桂蘭、名人周國豐夫婦、趙世光女兒趙式和、前女騎師江碧蕙、模特兒貝安琪和媽咪劉香萍等。一直恨當馬主的子丹表示因拍戲需要經常騎馬，驚險百出：「跌過幾次，又試過拎住武器騎。」詩詩透露農曆新年期間曾帶子女到峇里騎馬，她說：「喺沙灘上騎馬，佢哋都好鍾意，（怕危險？）有人拖住行，都會安全第一。」

打籮柚怕出手重

提到有18歲男生疑沉迷在遊戲機的虛擬世界裏，導致發生弒父母慘劇，詩詩一聞即說：「So crazy（太瘋癲了）！」問可會投放更多心機教育子女？子丹坦言：「邊有做父母唔落心機？我同太太都會討論點教子女。」詩詩揭子丹愛縱容子女，並即場教訓老公：「要有啲分寸，有時啲嘢太貴，仔女仲未知個價值都買畀佢。」子丹解釋因平日少見仔女，問到是否「Yes Daddy」？他直認說：「我係，（有冇打過子女？）打過囝囝籮柚，不過怕出手重，搞到成晚都內疚瞓唔着。」

汪圓圓（右起）與母親及表妹湛琪清結伴到馬場。	馬德鐘與太太張筱蘭坦言與兒子關係儼如朋友。	江碧蕙（左）與趙式和相見歡。

馬德鐘當仔朋友

而同場的藝人馬德鐘對於弒親父母的新聞，他坦言感到震驚：「父母依家唔可以嚴厲教仔女，要當朋友咁溝通。」他表示囝囝也有玩遊戲機的習慣：「我唔會即刻停止佢，會畀5至10分鐘佢，佢自己會有分寸。」他還表示平日會陪囝囝購買遊戲光碟，也會談論時事，希望以朋友關係與兒子相處和了解。

文：名人組