謝安琪髮術調情剷爆老公
謝安琪（Kay）昨日以「星級有機大使」身份出席「3.17全城有機日」開幕儀式，並穿上性感熱褲大晒靚腿，更不時不經意跌膊露出小背心。當Kay稍移玉步到中環大街與數百名小朋友玩大拼圖時，更有近十名工作人員護駕，認真架勢！
揀有機食物
Kay透露一向到街市買餸亦刻意揀有機食物：「自己之前佗B時，都會緊張要食得健康，加上屋企多老人家，有機食物少啲防腐劑。我自己都會煮幾味，我煮得唔差，好靚o架！」剛過36歲生日的她稱只與家人在家打邊爐慶祝，問到老公可有送大禮？她自爆下令他嚴禁送禮：「我叫張記（張繼聰）唔好送，佢真係好聽話冇送到。但其實佢唔係咁冇生活情趣，佢成日都會扮趣劇引我笑。」
剃頭後眼大
提到張繼聰近日為新劇而要犧牲頭髮，Kay原來樂做小女人以「髮」術調情：「我其實有幫手主理佢把頭髮，因為佢要Keep住光禿禿，我就幫佢後尾枕剷青，做一個『背後』支持佢嘅女人。」問到她可會嫌「光頭聰」不及以前靚仔？她亦稍有微言說：「我覺得佢太瘦，又成日打籃球，成個專業球員咁。不過佢剃咗頭之後，我赫然發覺佢對眼大咗。」
文：音樂組