Bobby奉旨隊酒失意跳海
歐陽震華（Bobby）昨日與關詠荷為《情逆三世緣》拍攝外景戲份，上月因急性肺炎入院的Bobby相當精靈，連拍幾組鏡頭也毋須休息。導演亦未有特別錫住Bobby，臨時加插落水戲份，令需拉Bobby上水的荷姐投訴他很重！劇情講述失憶失意的Bobby意圖跳海，導演原要求Bobby作狀跳起，後來為求逼真加插他與荷姐入水鏡頭，Bobby笑言：「好彩浸到腳咋，我冇帶底褲！」Bobby還手拿「孖蒸」自隊，他強調沒陰影：「我又唔係因為飲酒入院！不過依家玩同食都係7成，費事老婆擔心，收工後都即刻返屋企，唔會好似之前諗去邊度玩，心無雜念。」
Bobby表示劇組未有特別趕工，每日只拍外景或廠景，不用頻撲，較之前舒服。飾演荷姐妹妹的黃智雯則受Bobby入院影響，同時為《On Call 36小時II》開工的她只好跳拍該劇戲份，下月再隨《情》劇到佛山拍攝。
