楊紫瓊等返香港拍戲
楊紫瓊、張晉、徐崢、韓星金高恩、日本演員渡邊真起子等，昨晚出席「第七屆亞洲電影大獎」，楊紫瓊獲頒「卓越亞洲電影人大獎」，比通告遲了逾一小時才現身的她，甫到場即成焦點，她說：「我喺香港開展事業，聽講個獎下年唔喺香港搞，揀我做final award，好開心。（係咪會拍《臥虎藏龍》續集？）等緊劇本，一係有勁導演，一係好劇本，至會考慮。（同李安溝通過？）恭喜佢攞奧斯卡囉。（想返香港拍戲？）都想o架。」
談到婚期，楊紫瓊說：「揀緊日子，（今年？）未知，難得有咁愛我嘅人，我未諗要咩婚禮，世界各地都有朋友，但馬來西亞一定會搞。」張晉則說老婆蔡少芬隨時生得：「依家情況穩定，醫生建議開刀。我依家做咗老婆搖控，佢叫我做乜就做乜。」