秋生怕兒學壞 罰抄經
近日的倫常慘案令社會響起警號，不少明星家長也表示擔心，就連平日膽生毛的黃秋生出席電影節開幕時也頻呼得人驚，他說為免兒子學壞，也會罰他們抄三字經。同場的內地女星周楚楚實行終極一露，以透視露背裝炒熱全場氣氛，搶盡風頭。
「第37屆香港國際電影節」昨晚揭幕，國藝影視與英皇電影合資的電影《葉問——終極一戰》於同場舉行全球首映禮，現場星光熠熠。《葉》片男主角黃秋生與拍檔周楚楚悉心打扮到場，秋生找來球星碧咸在本港的御用紋身師在自己的衫上繡大字，他又獲電影監製冼國林送上新書做禮物。周楚楚則選擇以金色露背透視裝上陣，除露了乳貼，臀部亦若隱若現，令她成為全場焦點。
大讚阿嬌男友
談到近日兩宗倫常慘案，秋生受訪時說：「好得人驚，食錯藥呀，非常震驚，真係打機打到癲。我細仔都好沉迷呢樣嘢，所以都有同佢講兩句，講得多唔得o架。（你係嚴父？）有事先嚴啫，好似之前都有罰佢，罰完咪冇嘢囉，我唔會體罰，最多都係叫佢抄三字經同睇百科全書，佢好驚中文。」
秋生日前於英皇春茗上與鍾欣桐（阿嬌）男友雞啄唔斷，秋生對他讚口不絕：「本事、醒目，好嘢嚟。（有人話佢似鄭浩南加孔慶翔喎。）邊個時期嘅鄭浩南先？」
千嬅財政獨立
楊千嬅以電影節大使身份亮相，代表接受一個鍍金木人樁。對於早前老公丁子高接受財經雜誌訪問，千嬅對內容大表支持：「我支持佢工作，總之家事同公事分開，大家可以少啲揣測同摩擦。我老公做嘢好勤力，能力比我嘅EQ同財力仲大。（大家財政獨立？）係，但間中會叫佢買吓嘢，都係買畀個仔。」千嬅說囝囝未有獨立思考力，但最近的慘案亦令她反思，明白不可將自己的一套完全套用在子女身上。
文：影視組