城城吊臂台倒塌 避過一劫

一連九場《郭富城舞臨盛宴世界巡迴演唱會2013香港站安哥篇》昨晚揭幕，全場爆滿，未知是否因個唱前發生吊臂倒下意外，演唱會將近九時才開始，場館一熄燈，歌迷已經急不及待尖叫，城城由平版舞台中央分裂緩緩升上，染上淺藍白新髮型的他，額頭黐滿閃令片，穿上緊身藍色舞衣，將其誘人body表露無遺。

變激凸蜘蛛俠

甫開場城城即一口氣連番勁歌熱舞，高唱《以歌會舞》、《一變傾城》，火速將氣氛炒熱，之後換上黑衫神秘造型，因舞衣極度貼身變得激凸，相當火辣，城城在多個木箱上攀擒舞動，恍如變身蜘蛛俠。

吊臂台類似過去的吊臂太空蛋，身處其中十分驚險。	城城以激凸貼身舞衣登場，恍如蜘蛛俠。	城城豎起拇指，向支持者致意。

城城全情忘我演出，完全沒受意外影響。事緣開騷前一個吊臂小型舞台曾倒塌，據知有網友昨晨爆料，指城城演唱會凌晨四時綵排時發生重大意外，聲稱其中一角的吊臂車在城城升上大約三米高左右突然倒下，壓在觀眾席上，幸好城城和工作人員均無恙。開騷前城城以全黑look現身，沒有異樣，他攞住三支大香誠心拜四面，化元寶時又雙手合十，現場有半百粉絲大叫：「good show！」

舞台設計落足本，氣派十足。

城城擒高擒低，身手依然弗爆。

取消吊臂環節

昨日傍晚經理人小美先行在後台上香拜神，臉有倦容的小美坦言大隊通宵綵排，可擔心城城不夠精神？小美笑說：「唔怕，最精神係佢，排到六點先走，今日四點又返嚟排，好值得敬重，佢太鍾意舞台。」小美表示今次個騷工程浩大、繁複，有加插新環節，對綵排時發生吊臂台倒塌一事，小美澄清說：「唔係，其實類似舊年嗰個吊臂太空蛋，但就改動咗，同樣係吊臂形式，但承受個躉因唔夠力唔夠磅數，失去平衡。（吊臂冧咗？）唔係冧咗，係傾斜，好彩工程人員無事。」他又否認城城當時身處吊臂台。由於要搶修關係，昨晚這環節也要取消。

文：音樂組