鍾嘉欣便駁︰一定係祈禱

鍾嘉欣（Linda）、黃宗澤（Bosco）、苟芸慧昨日出席連鎖食品店開幕活動，期間，Linda、Bosco的緋聞都被拿來作話題，不過之前對男友伍允龍都不欲多提的Linda今次反而相當大方，更承認對方身份，反而Bosco被問起緋聞時就相當抗拒，更叫大家高抬貴手放過他。

冇諗見家長

剛放完大假的Linda表示剛與家姐、哥哥於美加旅行返港，更指他們都分別帶了女友及男友同往，問她為何不叫埋男友伍允龍一起去時，她想了一會謂︰「我不嬲都鍾意一個人去，（人哋都一雙一對喎！）我又冇諗過帶佢去，（有冇帶伍允龍見家長？）冇喎！（點解？）唔知呀！我個人好慢熱，做乜都慢慢嚟，唔使急。」說到之前伍允龍被《好報》影到通街小便，Linda聞言即笑個不停，更力撐男友謂︰「冇可能，佢唔會做呢啲嘢，唔會隨街小便嘅！我知嗰陣吳建豪喺佢隔籬，吳建豪係虔誠基督徒，佢哋喺埋一齊就祈禱，一定係祈禱。」

苟芸慧坦言喜歡曲線身形，不會刻意減肥。	鍾嘉欣及黃宗澤齊齊被問及緋聞。	早前伍允龍（左）與吳建豪孖住飲嘢，之後更被懷疑通街小便。（資料圖片）

唔需要談情

此時，在旁的Bosco暗笑，結果亦慘被記者問及緋聞，之前被影到與內地演員戚薇一起，更指二人酒店相聚四小時，對此Bosco謂︰「我哋活動後去飲嘢，成圍枱人咁多，我都唔係同佢一間酒店，點相聚四個鐘？緋聞唔好信，全部都係假。」他又坦言現時不想談感情。說到馬國明笑指有緋聞好，多些工作，他即謂︰「咁畀晒佢，我呢個時候唔需要緋聞。」

而苟芸慧坦言不想大家因緋聞而認識她，說到她肥了，她坦言︰「少少啦！但我唔會減好多，女人太瘦唔好睇，有啲曲線好睇啲。」

文：影視組