高海寧減肥冇跌Cup
高海寧、龔嘉欣及岑杏賢等電視藝員昨出席《國泰航空／滙豐香港國際七人欖球賽2013》記招，瘦了不少的高海寧最近參考陳豪的戒口減肥法，積極減肥迎接夏天，她說：「依家食嘢戒油戒鹽，加上買咗部健身單車，有時邊讀稿邊踩。」她又不擔心瘦身會令上圍縮水：「我上面嗰啲係脂肪，我覺得均勻就可以，不過應該冇跌Cup，內衣仲啱着。」對於被指在新劇拍攝時擺款，又暗插同劇的陳茵媺演技屎，高海寧說：「識我嘅人就知我唔會咁，我哋睇完報道都只係得啖笑。（有傳你向男藝人放生電喎。）我冇電力o架，加上佢哋當我係兄弟。」
剛失戀的龔嘉欣與緋聞男友許家傑同場，兩人不時有傾有講，正在增肥的嘉欣自爆有向高海寧請教如何豐胸：「好羨慕佢有咁好身材，我問佢食咩大，佢話飲奶，但我對牛奶敏感。」嘉欣又坦言絕不會隆胸。
