黃煦齡台灣掃街增肥
無綫娛樂新聞台主播黃煦齡（Natalie）早前去台灣旅行，順道展開增肥之旅，她說：「我雖然好鍾意食嘢，食量亦都嚇親同事，但始終食極唔肥，有人話過我太瘦，我自己都想食番肥少少，所以早排去台灣旅行就周圍搜刮美食，日日去掃街，搵有台灣特色嘅美食，呢次台灣之行真係飽，五香肉捲飯、清蒸肉圓、四神湯，我仲捐窿捐罅，搵咗台北嘅私房菜嚟試吓，真係超好味道！四神湯更加係非吃不可，唔單只好味，據老闆講仲有藥膳療效，可以補氣，咪好啱我做主播？不過，我上磅發現冇肥亦都冇瘦到，因為我雖然食咗好多好嘢，但又行咗好多路，全部消耗番晒！」
