李亞男出煮意 氹仔
無綫藝人李亞男（Leanne）特意請教上海菜師傅，學煮正宗家鄉菜冧男友王祖藍！Leanne更自爆不時自製「入得廚房」假象的招數，又爆笑透露祖藍竟然為自己學食辣，不惜以「脷」犯險，用味蕾挑戰辣度！
做女友當然想男友覺得自己「入得廚房，出得廳堂」，出生於上海的Leanne自言廚藝麻麻，不過為了讓男友祖藍有口福，特意找來正宗上海菜師傅，學煮「雙冬花膠煲」、「雪菜肉絲炒年糕」及「冬筍塌菜」三味家鄉餸冧祖藍，她說：「平時我好大頭蝦，成日都唔記得睇火，搞到咩都煮燶晒，想救都救唔切，又試過畀油彈親塊面，所以入親廚房都好驚！好彩今次有陳師傅傍實，放心得多喇！」成功偷師的Leanne表示立即重拾自信，並揚言會再拎起鑊鏟，煮上海餸畀祖藍食。
祖藍學食辣
除了學煮家鄉菜，Leanne亦自爆會不時出招營造「入得廚房」的假象，她笑言：「我買咗個免油炸鍋，擺咩嘢食落去都唔會燶，而且出到嚟個樣好perfect，咁樣就可以扮廚藝好好喇！哈哈！」
她又透露祖藍為氹自己亦有下苦功，不過就變成美麗的誤會，Leanne解釋：「祖藍以為我係上海人就好食得辣，所以就私底下訓練食辣，有一次佢食辣意粉嗰陣同我講：『以後可以配合你食辣！』咁我就講：『吓？我不嬲都唔食辣喎！』不過都幾感動嘅！」
文：專案組