張曦雯玩即興愈講愈順
上屆「華姐」冠軍張曦雯最近與無綫簽下經理人合約，獲安排主持明珠台節目，事前相當努力「溫書」的張曦雯效果反而麻麻，後來索性臨場打「天才波」，拍攝反而更自然順暢。
剛卸任的「華姐」冠軍張曦雯最近簽下無綫經理人合約，下定決心留港發展，原來未簽約前她確實心大心細，去了美國修讀演藝課程三個月，返港後機緣巧合拍攝了一部短片式實驗電影，還奪得了獎項，才令她下定決心加入娛樂圈，她說：「自己都考慮咗好耐，細個想做模特兒，但係父母其實都唔鍾意，今次同佢哋商量，佢哋都覺得我已經入咗行，覺得做藝人發展機會大過做模特兒，依家都支持我入行。」
打天才波
現年二十二歲的張曦雯最近獲安排主持明珠台節目《港生活‧港享受》，拍攝數輯後她發覺打「天才波」最好，她笑說：「之前好唔慣，收稿後用好多時間去記，反而到拍嘅時候就唔記得，後來搵到個竅門，之前反而唔溫書，去到拍先至睇，記得大概意思，用自己嘅方法去表達，效果出嚟仲好。」
希望矮啲
身高5呎9的張曦雯拍劇似乎沒有6呎高的對手也難以配襯，她笑說：「以前做模特兒就覺得自己唔夠高，依家做演員就想自己矮啲，其實我覺得身高都唔係太大問題，陳豪都好高大威猛呀，同埋最緊要睇題材啫。」
文：影視組
攝：沈健程
服裝、場地：Ted Baker