楊丞琳拍住阿Sa又玩又食
【曹家誠澳門直擊】一年一度的「全球華語榜中榜」將在下月18日於澳門舉行，蔡卓妍（阿Sa）和楊丞琳（Rainie）昨日代表香港及台灣歌手出席澳門舉行的記者會，同場還有內地大熱歌唱節目「中國好聲音」學員平安和李代沫。
大會即場公布獎項提名名單，阿Sa以個人身份提名「最受歡迎女歌手（香港）」，跟同獲提名的楊千嬅、何韻詩和薛凱琪拗手瓜爭獎，同時又以Twins身份提名「最受歡迎組合（港台）」，而Rainie亦角逐「最佳跨界女歌手」。對於入圍爭獎，阿Sa說：「有得提名已經好開心，到時有獎當然開心，但最後如果冇都唔會有影響。」
一見面傾唔停
期間阿Sa與Rainie雞啄唔斷，兩人表示每次見面都有講不完的話題，Rainie稱上一次見阿Sa已是去年底在港舉行演唱會時候，阿Sa說：「我每次去台灣都會搵Rainie食飯，Rainie嚟香港都一樣會搵我，所以大家咪睇吓有冇機會一齊旅行。」
談到近日內地大受歡迎的歌唱節目「中國好聲音」，阿Sa表示相當精彩，自己一口氣花了三天時間看畢，並推介給Rainie一定要抽時間看畢整輯。