阿Lo教伊健夫妻免「吵」
藝人林曉峰（阿Lo）和老婆康子妮早前以夫妻檔出席活動，分享夫妻相愛秘密。結婚十年的阿Lo說相處之道就是他們從不會吵大鑊：「我哋有問題都唔會嗌交，我同佢結婚係因為愛佢，想同佢過一世，所以有事都唔會嗌交影響感情。」康子妮亦夫唱婦隨說：「我哋協議過唔會講一啲收唔番嘅嘢，例如分手、離婚咁。」
阿Lo有否過兩招給好友鄭伊健？他說：「我有問伊健結咗婚有咩分別，佢話冇乜，只係有個名分畀佢。」康子妮亦說：「我同伊健講結婚頭幾年可以好sweet，但真係會七年之癢，結咗婚冇得退，有咩唔啱大家拆掂佢。」
