陳僖儀生日P玩到唔願走
陳僖儀日前26歲「牛一」，一班粉絲特意包下餐廳與Sita大搞生日派對，他們更自製生日短片，氹得Sita相當高興，她說：「我一入到房，就見到佢哋自製嘅短片，當下好感動，條片一完，啲粉絲就衝出嚟同我講生日快樂，好開心！」當中，更有粉絲悉心打扮，化身Sita最愛的卡通人物「多啦A夢」，她笑說：「真係好有心，好可愛呀！」
粉絲們又為Sita大搞新意思，送上乳豬蛋糕，Sita一見「豬仔」就冧爆說：「其實我早幾年話過呢隻乳豬蛋糕好得意，估唔到你哋依家仲記得！」收禮收到手軟的Sita指，最令她驚喜的是有粉絲送上印有其樣子的T-shirt，她一臉興奮說：「原來有粉絲喺我出道前已經留意我，起碼5年啦，所以佢一次過送咗5份禮物畀我，其中有件T-shirt印咗我個樣，希望可以成為歌迷會嘅制服啦！」
此外，亦有粉絲自彈自唱Sita的金曲，聽出耳油的她大讚「厲害」！她與粉絲們玩遊戲兼促膝談心，又大派自製曲奇回饋歌迷。談到生日願望，Sita不忘祝福粉絲說：「希望自己工作順利，讀緊書嘅粉絲學業進步同身體健康！」