G.E.M.送飛預埋甄妮
G.E.M.（鄧紫棋）下月將在紅館舉行演唱會，近日正積極籌備的她坦言有新嘗試，邀請來自五個不同國家的歌手作神秘嘉賓。早前G.E.M.與甄妮傳出是非，她坦言壓力甚大，不過若有機會見面，一定會送飛邀請對方欣賞演出。
有小巨肺之稱的G.E.M.，2011年以20歲之齡成為史上最年輕的歌手踏上紅館舞台。今年她再下一城，下月將舉行第二次紅館演唱會。G.E.M.表示會請來自五個不同國家的歌手任表演嘉賓。她說：「暫時肯定會有個新加坡歌手做嘉賓，為咗保持神秘感，我唔開名。（請緋聞男友林宥嘉？）唔會啦！」
學識平衡情緒
今次G.E.M.的演唱會海報中，她與一堆爛車合照，她坦言想表達「拯救」的訊息：「一個人有意外嘅話，你個腦海就會閃起你最後嘅訊息，無論係開心同唔開心，都會全部記番晒。我想表達就係無論你係點樣都好，係冇嘢可以動搖到。」
剛踏入2013年，很多是非謠言突然衝向G.E.M.身上，早前與前輩甄妮鬧是非的她坦言壓力甚大：「開頭真係好大壓力，但諗深一層，係訓練同平衡我嘅情緒。（會唔會送飛畀甄妮？）如果有機會見到佢，我一定送畀佢。」
參考外國歌手
上次G.E.M.在演唱會大跳鋼管舞，今次則會表演彈電結他。她說：「經理人送咗枝電結他畀我，所以今次都會喺演唱會入面表演。我平時又會參考外國歌手嘅表演方式，如果今次演唱會用唔到，都可以當係學吓嘢。」
場地：Pacific Coffee
化妝：Dora Chan @ Spotlight Image
髮型：Freddy Chiu
服裝：Emma Wallace
文：專案組
攝：司徒國榮