甄子丹顯露柔情鍚哂家人

身為「宇宙最強」的甄子丹拍電影時表現嚴肅認真，私底下卻有柔情一面，向來放家人在首位的子丹，遺憾10年前與太太汪詩詩的婚禮搞得太草率，今年兩人結婚10周年他會再搞婚禮。提到有次在外地拍戲時得悉囝囝受傷的消息，子丹更表現得非常心痛。

近年戲接戲冇停手的甄子丹，最近忙於拍電影《3D冰封俠》，工作態度認真的他就算不用埋位，都會向拍攝團隊提供意見，可見其對電影的熱誠，而家庭對他亦甚為重要。

日前子丹抽空擔任馬會的「打吡大使」，受訪期間分享一生只得一次的難忘經歷，他流露出柔情，與大家談到子女出生時幫他們剪臍帶的過程。提到之前險些錯過囝囝的學校面試時，子丹亦說當時真的一額汗。

子丹亦試過工作時得悉囝囝受傷的消息，他說那時擔心不已：「有次我喺沙漠拍緊古裝片，太太打電話話畀我知，阿仔畀（車立）夾到隻手，不過我嗰時做緊嘢，除咗擔心已經做唔到啲乜。」所以現時子丹會盡力平衡家庭與工作，希望家人可得到幸福。

今年是子丹與太太汪詩詩結婚10周年，他們會再搞婚禮慶祝，回憶起10年前的婚禮，子丹覺得是一個遺憾：「嗰時搞得好草率，好想再搞一個浪漫嘅婚禮，不過暫時都未有實質計劃。」對於姨仔汪圓圓將下嫁玩具大王蔡志明之子蔡加讚，子丹讚圓圓覓得好老公，到時會預備神秘禮物祝賀一對新人。

文：專案組

攝：吳文聰

場地：香港賽馬會