蕭正楠抱杏兒扯晒蝦
胡杏兒和蕭正楠前晚在大埔首次為新劇拍攝咀戲，兩人事前先吃薄荷糖清除口氣，拍攝時更一take完成，表現專業，期間蕭正楠有抱起杏兒跑來跑去的戲份，雖然他強調杏兒並非重磅，但現場所見他已跑到喘氣！
藝員胡杏兒和蕭正楠前晚在大埔拍攝重頭劇《巾幗梟雄之諜血長天》，兩人剛為新劇開工數日，前晚就馬上拍攝咀戲，首次拍咀戲的杏兒和蕭正楠也「先禮後兵」，錫錫前齊齊吃薄荷糖清除口氣。劇情講到蕭正楠救出暈倒的杏兒後，一直癡戀杏兒的他深情地一吻杏兒，兩人幾番試位後只錫了一次便完成此鏡頭。另外，蕭正楠前晚又要抱起杏兒來來回回跑了4次，到後期蕭正楠也有少許喘氣，他笑說：「唔辛苦，平時都有做開運動，杏兒都唔係好重！佢喺度，呢句要大聲啲講，哈哈。」
喊足成晚滿足戲癮
杏兒接棒鄧萃雯孭飛此劇，戲份重之餘角色也相當沉重，她說：「尋晚拍咗成晚喊戲，情緒起伏都好大，套劇好沉重，到拍完一定會好開心，考演技之餘亦都過足戲癮。」杏兒表示與蕭正楠拍咀戲並不感尷尬，大家也相當專業。
大爆角色「重口味」
蕭正楠形容他在此劇的角色十分「重口味」，劇中他愛得杏兒幾乎瘋狂，為她不惜一切，他說：「戲裏面好變態，又強姦、又要扮同性戀都係為咗杏兒，呢套劇係我演藝生涯嘅挑戰。」
講到與杏兒的吻戲，蕭正楠說：「唔尷尬，之前拍節目巡禮片段都咀到流晒血，呢啲小兒科啦！」
採訪：影視組
攝影：李廣成