王菀之要演討好角色
王菀之（Ivana）前晚與無伴奏組合「青協香港旋律」，為將舉辦的無伴奏合唱節進行綵排，她透露表演當日會獻唱《留白》。她說：「呢首歌充滿話題性，有好多人對《留白》嘅印象都係同編曲有關係。今次用無伴奏去唱呢首歌，自己都好期待。」
另外，問Ivana會否參演劇集《老表，你好嘢！》續集？她說：「聽講都會開拍，不過唔知幾時。我覺得自己巴閉咗，仲要求可唔可以有好玩嘅劇情同討好嘅角色畀我，不過祖藍唔會立即應承，對所有演員一視同仁。」提到同劇演員湯盈盈剛誕下囡囡，她說：「我冇佢電話，所以見到面先恭喜佢，相信佢生嘅小朋友都會好樂天。」