阿嬌移枱就K蜜蜜斟

鍾欣桐（阿嬌）、容祖兒、古巨基及謝霆鋒等前晚出席英皇春茗，阿嬌首度與韓籍男友「K先生」Tyler Kwon在港同出席公開活動，成為全晚焦點，身邊好友更對Tyler讚口不絕！

開心表情多

阿嬌與男友Tyler本分開坐「前後枱」，但至晚宴尾聲時，未知她是否按捺不住，自行調枱與Tyler同枱而坐，他倆之間隔着二人，但仍無阻兩人談心，只見他倆密密傾，阿嬌更傾到表情多多，相當開心！英皇前晚宣布與Tyler合作，不少知名韓星都預錄祝賀短片，當中包括Big Bang隊長G-Dragon、金喜善及少女時代等，可見Tyler於韓國人脈甚廣。而阿嬌與洪天明傾偈時，亦不時對着男友方向手指指，似向天明介紹男友，而天明隨後即走去跟Tyler打招呼。

左起：關智斌、洪卓立、王祖藍與洪杰玩遊戲。

楊受成（中）與愛將謝霆鋒及Mani合照。

啱場合至講

問到同場的古巨基是否第一次見Tyler？沒有睇有關報道的他說：「冇留意，見吳雨大哥特登搵阿嬌上台，我先問隔籬位：『嗰個係唔係（佢男友）？』（同公司嘅藝人都已公開戀情，幾時到你公開？）等我活動先講我，留番更適合嘅場合講畀大家知，今晚係賀英皇，不過，我都戥佢哋成雙成對開心！」

基仔今年的工作已排到密麻麻，除了會到美加等地巡迴演唱外，還會推出國語碟及拍戲。至於英皇將與韓國公司有不少合作，基仔想與哪位韓星合作？他笑說：「我等阿嬌做第一位，期待緊，至於我就隨緣，睇公司意思，英皇可以同韓國咁大公司合作係強強聯手，係好事，係大家都贏嘅合作。」

文：音樂組