Kary默認戀情穩定開心
與余文樂沐浴愛河的吳雨霏（Kary）昨晚出席活動時，雖然多次強調想低調處理感情事，不肯大方承認跟樂仔拍拖，但就以一句「我都冇否認」來默認「樂霏戀」，更表示好姊妹都戥她開心，又力撐男友好仔並非花心的人。
Kary自與余文樂的戀情曝光後，昨晚首次出席公開活動，出席CHANEL全新腕錶系列酒會，同場還有薛凱琪（Fiona）、Janice Man、徐濠縈及黃偉文等。
三番四次說低調
被問到與樂仔拍拖是否很sweet，Kary幾番強調想低調：「多謝，私人嘢希望低調處理。（好開心？）放完假好開心，依家好開心。（認拍拖？）順其自然。（做咩喺機場唔企定定合照？）我希望低調處理，已經喺微博同傳媒講咗唔好意思，冇諗過當日個場面咁混亂，自己都嚇親。（點解唔認拍拖？）想低調。（你同樂仔嘅共識？）佢一向都低調處理感情事，我入行以嚟都係一直低調，大家明啦。（可唔可以寫樂仔係你男朋友？）唔知，希望大家畀啲空間慢慢發展。（依家唔穩定？）唔係。」
阿徐收「戒煙」禮物
提到蘇永康曾叫他倆大方合照，Kary承認對方有叫她順其自然：「我唔係唔聽佢話，我都冇否認。」她又指樂仔是好仔、好演員、很識照顧人。有指他花心？Kary說：「之前報道我唔知，依家信佢唔係呢啲人。（佢話自己正過周柏豪？）嗯。」Kary又否認跟好姊妹鄧麗欣（Stephy）不和的報道，看到有關報道覺得好笑：「姊妹都戥我開心。（你同樂仔，Stephy、方力申四個一齊食飯？）我同小方食咗好多年飯啦。（帶埋樂仔？）順其自然。」而樂仔昨午在微博上載自拍照，又有他開工時與小影迷的合照，而昨晚有網民拍得他在上海與友人晚膳惹來圍觀者一陣哄動。
問到Fiona知否Kary和樂仔拍拖？她說有聽聞，但不會問：「希望畀啲私人空間佢哋。」Fiona又澄清被指整容變V臉的報道，她接受不到整容不會嘗試，還自嘲說：「媽咪話我係都整條頸同身材先啦！」而剛過完生日的阿徐對老公陳奕迅（Eason）親到日本給她生日驚喜，說猜到Eason會飛日本：「上年巴黎咁遠佢都有飛嚟，今年東京都好大機會飛嚟。佢飛東京陪我過生日，又到名古屋見證我首次跑半馬（馬拉松），好開心。（佢送乜生日禮物？）佢送咗佢會戒煙嘅承諾畀我。」
文：名人組