年屆37歲的湯盈盈選擇自然分娩，婦產科醫生余啟文指自然分娩比開刀生育有更多好處：「自然分娩對婦女嚟講較快康復，而且唔使麻醉，危險性較低，唔會有頭痛、震抖等副作用，同埋可以早啲向BB餵人奶。」很多人認為年屆35歲以上的高齡產婦，自然分娩會存在較高危險性，余啟文表示要視乎情況：「一般年紀大嘅婦女選擇開刀，係因為佢哋大啲機會有糖尿病、血壓高，作為醫生，如果婦女健康，我係贊成自然分娩，始終都會令身體快啲復原。」他又稱盈盈僅以2小時誕下囡囡，亦算相當快。
此外，圈中不少女星寧願捱痛，亦選擇自然分娩生BB，所以說母愛確偉大。
歐倩怡於2008年３月入住浸會醫院分娩，她陣痛了５小時才為老公郭晉安誕下６磅６安士男嬰。
楊思琦去年3月在微博自爆於美國洛杉磯，以自然分娩誕下6磅9安士女兒Krystal，難怪她表示生女過程達10級痛。
新加坡歌手孫燕姿在去年10月，忍足20多小時的陣痛後，最終誕下重7磅半麟兒，母子平安。