湯盈盈自然分娩誕下７磅多Ｂ女，一眾姊妹都戥她與錢嘉樂開心。與盈盈相識多年的鍾麗淇更於ＢＢ出世第一日已到醫院探望，她謂：「ＢＢ女好得意，塊面好肥，個嘴唇好厚。（有冇教盈盈湊Ｂ？）ＢＢ一定好多人錫，我同梁靖琪都上咗契，我應承盈盈會盡快幫佢keep fit。」而周家蔚亦稱已探ＢＢ，其嘴仔最似盈盈，家蔚笑言：「希望盈盈可以多啲人奶，我個仔唔夠食，有多可以畀埋我個仔食。」姚樂怡則表示在電話group chat見過ＢＢ女：「ＢＢ面形似足嘉樂，盈盈一直都係話會自然分娩，鬼妹仔係咁，崇尚自然。（幾時到你？）努力中。」