李亞男激罕性感 向男友備案

王祖藍拍電影艷福不淺，相反他的女友李亞男卻大晒身材，與李璧琦於前晚無綫品味節目《爾巒品味意國》中大晒比堅尼，鏡頭掃勻亞男全身達一分鐘。亞男自被祖藍「私有化」後罕有性感，穿上灰銀色三點式泳衣相當吸睛，將上周於同一節目中以白色三點色谷咪的李璧琦揮低。
李亞男穿三點式大晒好美身材。
李亞男穿三點式大晒好美身材。

記者向身在湖南宣傳的祖藍講解亞男的泳裝演出何等性感時，他笑說：「唔使睇啦！我大概都知係咩事！佢事前已同我提過，泳衣唔使畀我批，又唔係我着，只要出嚟感覺高貴同靚，唔係好似𡃁模咁，性感都冇所謂！我尊重佢！」而亞男昨受訪時亦稱一早已向男友備案：「我唔會成日都咁性感，工作需要先會，有埋璧琦陪仲開心！（好身材？）比起8年前選華姐時肥咗，夏天快到要多做運動。」

李亞男（右）與李璧琦享受日光浴。
  • 李亞男（右）與李璧琦享受日光浴。