鍾嘉欣波點誘惑 粉絲示愛
剛從加拿大度完假返港的鍾嘉欣，昨日在沙田商場舉行「鍾嘉欣love love love 最幸福特別版」簽唱會，以一襲波點短裙示人，老闆何哲圖亦現身支持，在場有過百歌迷捧場，台上嘉欣獻唱兩首冧歌，又與粉絲大玩遊戲，更有一名男粉絲手執鮮花和心形道具，跪地以韓文向她示愛，使嘉欣當場冧爆。
陪阿媽買餸
問嘉欣早前放假有何搞作？她說：「返咗加拿大屋企休息，都係做啲家庭活動，同媽咪去唐人街買餸，勾番起細個嘅回憶，因為細個成日做阿四幫媽咪拎嘢。」嘉欣又謂留意到有報道指其緋聞男友伍允龍陪她回加拿大，她澄清：「冇呢件事，以我所知佢做緊電影宣傳，今次都係想自己一個人同屋企人過番啲正常生活，可以11點鐘瞓，6點鐘起身，但返嚟香港又搞到4、5點先瞓。」
想演man角色
她又透露6月頭會與馬德鐘合作開拍劇集《飛虎2》，希望可以飾演較man的角色，又大爆馬德鐘是她19歲入行時第一位主動向她say hi的前輩，又讚他很照顧後輩。
文：音樂組